Nang mahamig ni Trevor ang sarili ay bumalik siya sa loob at nakitang nakatitig si Angel sa kanya.
"Sorry sa nangyari kanina," turan dito.
"Tito Trevor, 'buti naman po at bumalik kayo," bulalas ng anak na tila tuwang-tuwa ng makita ang lalaki.
Hindi tuloy maiwasang mapaiyak muli si Trevor.
"Tito, ayos lang po ba kayo?" maang ng bata na lumungkot ang tinig.
Mabilis na pinahid ni Trevor ang luha, ayaw kasi niyang magalit muli si Angel sa kanya dahil tama ito, naapektuhan ang anak nila.
"Masaya lang ang Tito Trevor mo kasi you are a fighter," mabilis na wika sabay lapit sa bata.
"Of course, mana ako kay mommy," masiglang turan ng anak sabay yakap sa kanyang kamay.
Matamis ang naging ngiti sa anak na kanina pa pala tinitingnan ni Trevor.
"Ano'ng sabi ng doktor?" untag na tanong kay An
