Lumingon ako sa daang pinanggalingan ko, iyong galing sa resort. Nakita ko doon iyong lalaki na sumalubong sa akin nung unang dating ko dito. Kinawayan ko siya, at agad naman siyang lumapit sa akin.
"May problema ba, Mam?" tanong niya.
"Tulungan mo akong maisakay siya sa sasakyan ko," sagot ko sa kanya, sabay turo sa lalaking nakahiga sa lupa.
"Ay!!! Si--"
"Saan ang pinakamalapit na hospital dito?" putol ko sa sasabihin niya, dahil abot-abot na ang kaba ko.
"Sa-- Sa..."
"Tara na, Isakay na natin siya. Sandali, iaatras ko lang para mabuksan nang mabuti iyong pinto," sabi ko sa kanya, at saka ako nagmamadali nang nagpunta sa driver's side.
Nakita kong lumuhod iyong lalaking tinawag ko, at saka dinaluhan iyong lalaking nakahiga. Iniatras ko na ang sasakyan ko. Mabilis akong bumaba, a
