Eto na yata ang unang umaga ko na maganda ang gising ko. Dahil ba sa wala akong iniisip na anuman? O dahil alam kong wala sa palilgid ko iyong tatlong itlog? Napangiti ako sa isiping iyon. Sasamantalahin ko muna na walang stress, walang magulo, walang kumplikasyon sa buhay ko.
Maaga pa, pero bumangon na ako para patayin ang aircon, tapos ay bubuksan ko na lang ang mga bintana. Mas gusto ko ang natural na hangin galing sa dagat, kaysa sa lamig ng aircon.
Kinuha ko ang remote control ng aircon, at saka in-off ang aircon. Naglakad ako papunta sa mga bintana, at isa-isa iyong binuksan. HInayaan ko lang na nakaladlad ang mga kurtina para naman hindi ako kita mula sa labas. Medyo may kadiliman pa sa labas, kahit na alas sais na ng umaga. Luminga-linga ako sa paligid, at wala naman akong naki
