Bumalik sa normal ang relasyon namin ni Leo. Wala ma rin akong balita sa kababata niya dahil siya mismo ay umiiwas na pag-usapan namin ang tungkol sa kanya. Magtatatlong araw nang dito natutulog si Leo sa bahay dahil naging abala na ako sa panibagong dinidisenyo ko kaya late na ako palagi natatapos ng trabaho.
Pero ang tatlong araw na ‘yon na masaya kami ulit ay akala ko lang pala. Biglang sumulpot si Trisha sa aking shop. Wala si Leo nang araw na ‘yon dahil may nilakad sila ni Ralph para sa negosyong balak daw nilang itayo.
Nakatayo ito sa harapan ng aking mesa pagkatapos pumasok ng walang kaabog-abog. Bastos talaga sa isip ko ang babaeng ‘to. Kung ano ang ikinaganda ng mukha siya namang ikinapanget ng ugali.
“Mamang, sorry ayaw po papigil eh,” si Tin na nakasunod agad sa opisina ko
