[Leo Wang]
Heto na nga at nagpi-picture taking na pero wala silang alam na bugbog na ang tagiliran ko sa kurot ni Sean. Kapag nakakalusot ay puro irap ang aking natatanggap. Labas ang “bunny teeth” nito dahil sa gigil na siyang awayin ako.
“Magpaliwanag ka! Hindi por que nagpakasal ako sa ‘yo ay kakalimutan ko na lang ang ginawa mo,” nakangiti ito sa harap ng camera pero pasekreto niya akong sinusumbatan na nag-iigting pa ang mga panga.
“Babe, mamaya na. Magpapaliwanag ako,” tugon ko na halos mapangiwi dahil isa na namang kurot ang natanggap ko. Akala ng mga ito ay ang sweet ng posisyon namin dahil sa higpit ng yakap niya sa beywang ko pero kurot at piga ang natatanggap ko.
“Siguraduhin mo lang na papasa sa akin ang paliwanag mo. Kung hindi magha-honeymoon kang mag-isa,” wika pa niy
