ANG CHEER ng crowd ay sadyang hindi na mapigilan sa loob ng venue nang mga oras na iyon. Ang mga taga-CISA naman nga ay pinilit na masuportahan ang kanilang koponan sa lugar na nangingibabaw ang mga naka-berde. Mula sa bench ng magkabilang team ay makikita rin ang malakas na cheer ng kanilang mga kasamahan para sa kanilang mga kasamahang kasalukuyang naglalaro sa loob ng court. First half pa lamang ito at sadyang makikita sa galawan ng dalawang koponan na kailangan nila ang panalo rito para sa CBL.
Nasa DWCC ang possession ng bola at si Troy ay sumeryoso nang makitang naging madikit ang pagbabantay sa kanya ni Alfante. Hindi siya palusutin nito kaya naman ay mabilis niyang tiningnan ang kanyang sentro at power forward para bigyan siya ng screen. Nakita naman ni Rommel ang pagtabi sa ka
