SA BAYAN ng Mansalay, ikalawang sa huling bayan sa timog ng Oriental Mindoro, magtuturo si Ricky bilang isang teacher at tila magiging adviser pa siya ng isang section dito. Sa pagsisimula nga ng kanyang pagtuturo rito ay maaga siyang nagising. Pagkagaling niya sa labas, mga ganap na alas singko ng umaga ay bumalik siyang pawisang-pawisan.
Magmula nang dito siya mamalagi sa nakalipas na ilang linggo ay patuloy pa rin siya sa ginagawa niyang routine sa umaga, maliban na lamang sa pagpapatalbog ng bola habang tumatakbo. Unang-una kasi ay hindi siya taga-rito at baka raw may maka-abala siya kapag ginawa niya iyon.
Walang court sa sitio na na kanyang tinutuluyan at tanging sa loob ng Balugo School lang mayroon, kaso, hindi pa ito pinapalaruan dahil naghahanda pa sila sa pagbabalik ng eskwela
