Irish Inigo
Puno ng pananabik ang aking kalooban sa bawat araw na paparating. ‘Sobrang saya!’ Hindi ko maipaliwanag ang kasiyahan na aking nadarama. ‘Sa wakas! Sa wakas ay mapapasa-akin na rin siya.’ Iyong pinapangarap ko lang noon ay malapit ko ng makuha. Sa hinaba-haba ng aking paghihintay ay magkakaroon na ng katuparan ang lahat.
Unang beses kong nasilayan ang mukha ni Kael ng mag internship ako sa kanilang ospital. Sa unang pagkakataon na iyon ay tumibok na aking puso para sa kaniya. ‘Kakaibang karisma kasi ang mayroon siya. Awra pa lang niya ay talagang nakakaagaw na ng atensyon. Iyong wala pa siyang ginagawa pero nahuhulog ka na. Minamahal mo na siya!’
Ang weird ng feeling na iyon. Sa isip ko ay lilipas lang ang nararamdaman ko. ‘Pero habang tumatagal na nakakasama, nakakausap at
