Alya Maia “AMARIE” Rientes
‘Ano ba itong nararamdaman ko?’ tanong sa aking sarili. Pakiramdam ko ay sa bawat araw na lumilipas ay nanghihina na ako. ‘Makakaligtas pa kaya ako? Mahahanap pa kaya ako ni Kael?’ Napasinghap ako at natulala na nakatingin sa kisame. ‘Ano na bang date ngayon? Ikakasal na kami ni Kael pero hanggang ngayon ay nandito pa rin ako. May pag-asa pa kayang magkasama kami muli? O baka mananatili na ako rito kasama ang isang tao na pinagkatiwalaan ko ng buong-buo?’
May butil-butil na luha sa aking mga mata. Halo-halong emosyon na ang aking nararamdaman.
Napalingon ako sa pintuan ng bumukas iyon.
Nakita ko ang isang babae na nakangiti at may dala-dalang pagkain.
“Kamusta ka na, Alya? Mabuti at gising ka na!” Sambit niya. Lumapit siya sa akin at ibinaba ang tray sa side
