KARIM
HINDI ko maitago ang pag-aalalang nararamdaman ko para kay Victoria lalo na nang tuluyan nang pumatak ang luha niya; at kay guro na hindi ko alam kung ano ang nagawang kaya siya ginaganito ni Kleo. Tumingala ako para matigil na ang pag-agos ng mga luha ko.
"Victoria, maniwala ka sa akin, totoong mahal kita," pangungumbinsi ko, dahil iyon naman talaga ang totoo. "Oo, hindi ko lang masabi sa 'yo dahil natatakot ako na baka kapag nalaman mo ang tungkol sa kapatid ko ay hindi ka na maniwala sa akin" dagdag ko.
Umiling lang siya bago yumuko, dahilan para bumagsak ang aking balikat.
"Kagagawan mo ito, Kleo!" sisi ko sa lalaking ngayon ay mala-demonyong nakangisi sa akin.
Humalakhak ito nang malakas bago pilit na pinatayo si guro. Kitang-kita ko ang pagdaing ni guro sa mga natamo
