PINAGLARUAN ni Keira ang mga dahon na nasa may paanan niya. Gano'n ang palagi niya ginagawa sa tuwing napapatambay siya doon. Parke iyon malapit sa presinto na dating pinapasukan ni Ruan. Doon niya ito pinaki-usapan na hanapin yung nakitang camera sa teddy bear ni Savannah. May gumuhit na ngiti sa mga labi niya ng maalala iyon at mapagtanto na kahit saan siya magpunta'y may naka-ukit na alaala ni Ruan.
"Kinakalat mo na naman 'yan," anang tinig na nagpahinto sa ginagawa niya.
Bumilis bigla ang t***k ng puso niya dahil sa pamilyar na tinig na iyon. Nilingon niya iyon at yakapin sana ang gusto niyang gawin kaso pinangunahan siya ng hiya at takot. Hiya dahil sa ginawa niyang basta bastang panghuhusga dito. Takot naman dahil baka galit nga ito talaga sa kanya. Napayuko siya bigla
