"Sasama pa talaga kayo sa loob?" Tanong niya sa bodyguard bago bumaba ng sasakyan.
"Yes po Ma'am. Ang utos po sa amin ni Sir samahan po kayo saan man po kayo magpunta," tugon nito.
"Lahat kayo susunod sa akin sa loob?" Nagtatakang tanong pa niya sa mga ito.
"Dalawa po sa amin ang susunod sa inyo sa loob. Look out naman ang dalawa sa labas," paliwanag nito.
"Look out? Para namang may mangyayaring masama sa akin," sabi pa niya.
"Sumusunod lang po kami sa utos ni Sir," tugon nito.
Humugot siya ng malalim na paghinga. Hindi siya dapat makaramdam ng inis sa mga ito. Ginagawa lang ng mga ito ang trabaho ng mga ito.
Habang papasok sila sa coffee shop narinig niyang kausap ng isang bodyguard sa cellphone si Joaquin. Tiyak na alam na ni Joaquin kung nasaan siya. Iyon nga lang hindi niya sin
