Kinabukasan pagbaba niya wala na ang Daddy niya at ang Tita Sally niya. Napansin din niyang wala si Sebastian at tanging mga kasambahay lang ang kasama niya sa bahay. Nagtaka pa siya dahil hindi naman si Sebastian ang maghahatid sa Daddy niya at kay Sally sa airport. May sundo naman ang mga ito kaya hindi na siya ginising kanina ng Daddy niya bago umalis ang mga ito. Kagabi pa kasi nagpaalam sa kanya ang ama para nga daw hindi na siya nito maistorbo pa sa pagtulog.
"Manang si Sebastian po?" Hindi na niya natiis na itanong kung nasaan si Sebastian. Ang alam kasi niya ito na rin ang maghahatid, sundo sa kanya sa San Miguel University dahil nagbakasyon din si Mang Dante.
"Nagtungo lang po saglit si Sir Sebastian sa hardware ng Daddy niyo Ma'am Scar, may iniutos po yata ang Daddy niyo sa kan
