Hindi ako makapaniwala na sa bahay ni Jestoni Adriano kami hahantong. Pinaglaruan ba ako ng tadhana? Napaisip tuloy ako kung bakit muli kaming nagkita ni Jestoni? Alam ko kasi eh na lahat ng taong dadaan sa buhay natin ay mayroong dahilan. Walang aksidente sa pagkikita. Lahat ay nakatadhana na kaya nagtaka ako kung bakit pinagtagpo kaming muli.
“Pasensya ka na Jestoni. Hindi ko kasi alam, aalis na lang kami,” sabi ko sa kanya dahil bukod sa kilala nito ang asawa ko, wala akong tiwala sa posibleng dahilan kung bakit muling nagkrus ang aming landas.
“Nabanggit ng kaibigan ko na kailangan mo raw ng pansamantalang tirahan dahil ginugulo ka ng dati mong asawa. Ano’ng ginawa ni Brent?”
Nang binanggit ni Jestoni ang pangalan ni Brent, saka lang nag-react si Marian. Tumango lang ako nang tuming
