Kararating ko lang sa bahay nang matanggap ko ang invoice mula sa accounting firm. Gusto ko sanang i-delay ng isang araw ang pagbabayad ngunit doon din naman ang punta ko kaya napabuntong-hininga na lang habang nag-transfer ng pera sa account ng firm.
“May nangyari ba?” Nagtanong si Marian kung bakit panay ang aking pagbuntonghininga.
“Ang laki ng nawala kong pera ngayon,” sagot ko.
“Na-holdap ka?”
“Sobra pa,” ang tanging sagot ko ngunit hindi nagtagal ay sinabi ko sa kanya ang tungkol sa aking lakad at ikinatuwa ng babae ang una kong hakbang upang makawala kay Brent. Nagdalawang-isip ako kung sasabihin ko ba sa kanya ang tungko sa inutang na pera ni Aika dahil sigurado ako na hindi approve kay Marian ang aking ginawa. “Umutang ng pera sina Aika at Brent.”
“ANO? Nahihibang ka na ba K
