Kapwa kami nagulat nang magsalita si EJ. Nasa paligid lang pala ang kapatid ni Jericho at hindi man lang nagsasalita. “Kanina ka pa diyan?” Tinanong ni Jericho si EJ habang ako ay pasimpleng dumistansya mula sa lalaki.
Naisip ko pa lang na nakita kami o narinig ni EJ ay kaagad ng nag-init ang aking pisngi. Nang tumigin ako sa gawi ng magkapatid, halos hindi ko sila matingnan ng diretso. Simula kasi nang dumating si EJ kasama ang parents nila ay hindi pa niya ako kinausap.
“Kanina pa,” sagot ni EJ.
“Kanina ka pa pala, eh bakit hindi ka nagsalita?” Muling tinanong ni Jericho ang binata.
“Eh ako nga ang nahiya sa narinig ko! Aalis na raw tayo sabi ni Mama.”
“Susunod na kami. May dala naman akong sasakyan,” dahilan ni Jericho ngunit sinenyasan ko siya na sumunod na sinabi ni EJ dahil ay
