Crimson Bullet
Season 2
AiTenshi
Part 49: Mga Kalaban sa Dilim
TENJO POV
Isang matingkad na kulay lilang enerhiya ang sumabog sa aking harapan dahilan para tumilapon ako at mauga ang aking daigdaig. Wala na akong natandaan pa at ang lahat ay nagdilim. Hindi ko na rin alam ang nangyari kanina dahil ang lahat ay parang naging blangkong papel sa aking isipan.
Wala rin akong matandaan, basta ang alam ko lang ay nakipaglaban at pumatay ako ng maraming Miryoku. Pero hindi ako iyon dahil muli na namang pinakialamanan ng masamang ugat ang aking katawan at kinuha niya ito para makipaglabanan at pumatay. Ang pagsabog na nagmula sa enerhiyang iyon ang nagbalik sa akin sa dating sarili. At noong imulat ko ang aking mata ay nakita ko ang magulong paligid, duguan ang aking mga braso, kamao at kuko
