Crimson Bullet
Season 2
AiTenshi
Part 44: Ang Tatlong Hari
Ang matapang na amoy ng kanyang dugo ang siyang nagdala sa akin sa lugar na ito, wala akong maramdamang emosyon sa kanya, basta ang alam ko ay para akong isang magnet na dinala patungo kung saan, patungo sa kanyang harapan.
Malakas ang kutob na ito ang lalaking nagpataw ng sumpa sa akin at noong mga sandaling iyon na ay napatitig ako sa kanyang mukha, parang hindi siya tao, parang kasi edad lang namin siya ni Jorad. Mapula ang kanyang labi, maamo ang mukha, ang mata ay malamlam ngunit nagiging matapang ito depende sa kanyang emosyon. At habang nakatitig ako sa kanyang mukha ay para bang bumibigat ang aking pakiramdam at halos naninikip ang aking dibdib.
Noong mga sandaling tumalikod siya sa akin ay nagawa ko pa siyang habuli
