KINABUKASAN ng umaga pagpasok ni Ellie sa ospital ay kaagad niyang inalam kung naka-duty ba si Zyrus. Nang malaman niya na naroon ang binata ay nagtungo na siya sa laboratory kung saan siya ulit naka-asign. Pero wala roon si Zyrus.
May isang oras na siyang naroon sa laboratory pero hindi pa rin gumagawi roon si Zyrus. Nagpapakaabala na lamang siya sa trabaho. Nababalisa siya, hindi niya maintindihan kung bakit. Pagdating kasi niya nang umaga sa nurses’ station ay siya ang topic ng mga nurse. Maugong ang isyu tungkol sa kanila ni Zyrus. Kasehudang inaakit daw niya si Zyrus, kaya ito lumalapit sa kanya. Kasehudang nagsasakit-sakitan siya para maagaw ang atensiyon ng guwapong doktor.
Inilugar niya ang sarili. Hindi na siya katulad noon na handang mag-eskandalo para lang ipagtanggol ang kany
