DALAWANG araw na hindi nakapasok sa ospital si Ellie dahil nakiusap si Roy na magpahinga muna siya. Dalawang gabi na ring natulog ang binata sa bahay nila para alagaan siya. Kapag gabi na kasi nilalagnat niya. Subalit habang tumatagal na kasama niya si Roy ay nakadama siya ng iritasyon. Noon ay nagsasakit-sakitan pa siya para lang hindi ito umalis sa tabi niya, pero ngayon ay ayaw niya na inaalagaan siya.
Martes ng umaga ay maagang bumangon si Ellie para mag-insayo. Nang gabi lang na iyon hindi natulog si Roy sa bahay niya dahil umuwi ito sa Gensan para kunin ang ibang gamit nito. Kinabahan siya nang sabihin nito noong isang araw na doon na ito regular na magtatrabaho sa ospital na pinagtatrabahuhan niya. Ipinasara na raw kasi ang clinic ng daddy nito dahil nag-migrate na sa America ang
