MALALIM na huminga si Allison bago pumihit papunta sa living room kung nasaan si Jio at Micah. Ngayon na niya balak sabihin dito ang lahat tungkol sa relasyon niya sa taong dahilan ng aksidente nito dalawang taon na nakararaan. Nang nagdaang gabi pa niya iyon iniisip at nakailang practice siya sa harap ng salamin kung paano sisimulan ang pagtatapat dito. Ang sabi ng kapatid niya, mabuti pang sabihin na kaysa palagi na lang niyang pino-problema. Hindi din naman maganda na may lihim na tinatago sa taong minamahal.
Dire-direcho siyang lumakad papuntang living room saka naupo sa pang-isahan na sofa. Nilapag niya sa center table ang merienda na hinanda niya para sa dalawa. Nakita niyang tinuturuan ni Jio kung anong kulay dapat ang gamitin sa drawing na hawak nito. Napangiti siya ng tumingi
