MAY ngiting gumuhit sa mga labi niya ng makitang masayang naglalaro sa living room sina Jio at Micah. Doon sila dumirecho pagkagaling nila sa fast food restaurant. Wala ang mga magulang niya ng dumating sila doon kaya nakahinga siya maluwang. Kilala ng mga ito si Jio dahil kasama niya ang mga ito noong nakikipag-settle sila sa ibang biktima kasama ang abogado ng Dominguez. Siya lang naman ang hindi nakakita kay Jio noon sa ospital dahil inaasikaso niya ang burol ng kuya Nero at sister-in-law niya.
Parang musika sa kanyang tainga ang hagikgik ni Micah na nagdulot sa kanya pinaghalong kasiyahan at pangamba. Kasiyahan dahil kahit hindi sila gaano kilala ni Jio, hindi sila tinuring na iba. Pangamba dahil kapag nalaman na ni Jio ang identity niya baka bigla itong lumayo sa kanila. Pilit si
