Sheila
Buong akala namin ay masayang kasal ang ipagdiriwang namin sa araw na ito, ngunit hindi pala.
Kundi delubyo.
Dahil ngayon ay naririto kami sa hospital at nag-aagaw-buhay ang mag-ama ko sa loob ng emergency room.
Kasalukuyan sila ngayong pinalilibutan ng mga doctor habang ako ay naririto sa labas, suot ang magara kong gown na kanina'y napakaputi. Ngunit ngayo'y naliligo na sa dugo ng mga mahal ko.
Tandang-tanda ko pa ang buong pangyayari.
Matapos kaming makunan ng maraming larawan sa harap ng altar ng simbahan kasama ang buong pamilya ay nagsimula na kaming maglakad patungo sa entrance.
Napakasaya ng lahat.
Magkahawak-kamay kami ni Darell habang nasa unahan naman namin ang aming anak at may hawak na white balloon. Ang iba ay nauna nang lumabas ng simbahan habang ang iba a
