"Overtime ka ba, sis?"
Agad na tinanguan ni Creza si Jane. Hindi niya inaalis ang tingin mula sa kanyang computer.
"Te, himala mag overtime ka?" Dinig niya pang sabi ni Marife.
Nagkibit-balikat siya. "Tinambakan ako e. Tsaka alam niyo namang pag-end of the month mas pini-pressure kami," sabi niya, nagta-type pa rin.
"Hmm sabagay. Sige. Una na kami, Crez."
Tumango lang siya at kinawayan ang mga ito.
"Bye!"
Inihatid niya na lang ng tingin ang mga kasama na magkakasunod na lumabas ng kanilang opisina. Napabuntong-hininga siya at napatingin na lang sa kanyang computer. Kung bakit ba kasi hindi niya natapos ang gagawin niya kahapon pa. Napailing na lang siya.
Siya na lang yatang mag-isa sa kanilang opisina. Tanging ang tunog na lang din ng kanyang keyboard at ng aircon ang kanyang
