Nagulantang na lamang ang dalawang bodyguard na pinabantay ni Victoria sa Ospital nang malamang wala na roon ang binabantayan nilang pasyente. Nakatulog kasi silang pareho at nang magising ay wala na ito sa loob.
Tinawagan nila si Victoria upang ipaalam ngunit dahil alam naman na dalaga kung nasaan ang pasyente ay sinabihan na lamang niya silang umuwi na pagkatapos magbayad ng bill. Dineposito niya na lamang sa banko ng isa sa kanila ang pambayad.
Bandang ala singko na iyon ng umaga.
Hindi siya natulog sa buong magdamag upang magbantay. Sinubukan niya rin namang umidlip ngunit hindi siya makatulog dahil sa daming mga bagay na pumapasok sa kanyang isip. Mga agam-agam na baka nasundan sila at nariyan lamang sila sa malapit.
Hindi rin naman siya makatutulog dahil may gumagamit ng kanyan
