Nasilaw ang lahat sa liwanag na bumaba. Para itong bulalakaw na basta na lamang bumagsak na hindi nila alam kung saan galing.
Lahat ng atensiyon ay naagaw nito, pati ang dalwang magkapatid na nasa sasakyan ay naguntang din.
"Ano 'yun?" Nanlaki ang mga matang tanong ni Aquinas kay Linnaeus na dilat na dilat ang mga mata at nawala ang antok na kanina'y hinihila na siya upang matulog.
Nabitawan na ni Aquinas ang hawak na sausage at nahulog na lang sa kanyang suot na pantalon hanggang gumulong sa kanilang paanan. Binuksan nito ang bintana ng sasakayan upang matignan ng mas malinaw kung ano ang bumabang liwanag dahil may bulto ng katawan na unti-unting nabubuo habang nalalaho ang makapal na alikabok na dulot ng impact ng bumagsak.
Hinampas ng malakas na hangin si Victoria, hangin na may ka
