Hapunan na at nasa hapag na si Felix kaharap ang mga kapatid, ang kanyang mahal na ina, bayaw at makulit na pamangking si Ana. May kanya-kanya silang mga pinag-uusapan at siya lamang ang seryoso't malapit nang kausapin at makikipagmabutihan na sa isang slice ng karne ng bakang nasa plato niya dahil walang kumakausap sa kanya.
Tahimik ngunit ang kanyang tenga ay halos lumipad at humaba dahil pinakikinggan niya ang mga pinag-uusapan nila, nag-aantay na madinig ang pangalan ni Pretzel mula sa sinuman sa kanila dahil tuwing magkakasama ay madalas ang dalaga ang topic ng mga ito at para bang hindi nagsasawa lalo pa kung nariyan ang kanyang kakambal dahil halos araw-araw ay nagkikita sila.
Ang ate niya'y inaasikaso ang anak habang kausapan ang kanyang asawa, kinumusta ang araw nito sa trabaho
