"Naalala mo ba ang una nating pagkikita?" Tanong si Felix sa dalaga.
"Ha? H-hindi. Nagkita na ba tayo dati?"
"Oo, maraming beses na, pero sa tingin ko hindi mo maalala o sadyang hindi mo lang ako napansin." Mahinang sagot ni Felix na may bahid ng lungkot sa tono ng kanyang boses. "Pero sige, iisa-isahin ko baka sakaling may maalala ka kahit isa man doon." Aniya at huminga muna ng malalim bago ikinuwento sa dalaga ang ilang beses nilang pagku-krus ng landas.
"Unang beses ay iyong muntik mo na akong mahagip ng kotse mo sa Mall." Umpisa niya, tinignan niya muna kung anong magiging reaksyon nito bago nagpatuloy ngunit halos wala itong reaksyon. "May dala akong malaking kahon nang araw na iyon, mga materyales na gagamitin namin sa pag-aayos para sa kaarawan ng lola namin na kauuwi lang gali
