Lumipas ang ilang araw. Nangyari ang nangyari sa bahay na iyon sa race track ngunit hindi basta malilimutan.
Ngumiti ako sa sarili sa salamin at inayos ang dress na suot. May lakad kami ngayon ni Kayla. Inaya niya ako na magshopping at hindi naman ako makatanggi. Besides, bukod sa trabaho sa opisina ay may lakad din si Race. Tumawag kase si Martin na may-ari ng bar. May lead na raw siya kung sino ang isa sa mga lalaki. Ayaw ko na sanang puntahan pa iyon ni Race pero mabuti pa talagang malaman na niya para matahimik na kami.
"Susunduin kita kapag tapos na kayo," aniya habang nagmamaneho. Agad ko iyong inilingan.
"Hindi na. Magtataxi na lamang ako. Saka baka matagalan din kami. Magpapa-spa raw e."
"Susunduin kita," pagpupumilit niya. "And this is your car. Ako nga dapat ang magtaxi."
"A
