Nagumpisa na ang totoong labanan. Kung noon ay sa Arena lang sila Raven at Josh, ngayon nama'y isa na itong m****o at nakakatakot na laban. Nakabaon na sa hukay ang isa nilang paa at sa konting pagkakamali lang ay maaari nila itong ikasawi.
Dalawang Celestial at isang Legendary Fairy laban sa mahigit limampung pinagsamang bilang ng tao at Celestial.
"Rue! puntahan mo si Camilla. Kami na ang bahala rito." Utos ni Raven.
Lumipad naman si Rue sa lugar kung nasaan si Camilla at awang-awa sa nakitang kalagayan nito. Nakalaylay ang ulo at nakapulupot sa katawan niya ang mga ugat ng halaman na may mga tinik. Sinilip niya ang mukha nito at nagulat siya ng makita ang kulay ng mga mata nito.
"Camilla? Gumising ka Camilla." Pukaw niya rito habang tinatapik ng maliit niyang kamay ang pisngi ni Cam
