"Camilla? Camilla?" Tinig ng isang babae na tumatawag sa akin.
Iminulat ko ang aking mata at nagpalinga-linga. Nababalot ng usok na puti ang buong paligid at mula sa di kalayuan ay may nakatayong isang babae.
Hindi ko maaninag ang kabuuan ng mukha niya dahil sa kapal ng usok.
Bumangon ako at tinitigan siyang mabuti.
"Camilla? Halika."Tawag niya muli sa akin habang inaabot ang dalawang kamay.
Sinunod ko naman ang paanyaya niya at unti-unting lumapit.
"Halika Camilla. Wag kang matakot." Aniya.
Hindi ko alam pero may nagsasabi sa akin na abutin ko ang mga kamay niya. Habang papalapit ay kasabay naman ng pagahon ng kaba sa dibdib ko.
Nahawakan ko na ang mga kamay niya at naaninag na din ang kanyang mukha.
Nakangiti siya sa akin at kita ko sa mga mata niya ang labis na kaligayahan.
Gu
