Napakadilim ng pinasok kong lugar. Hindi ko na alam kung saan banda na siya lumiko dahil sa taas ng mga damong nakaharang sa aking daraanan. Kasing taas ko na halos at kay kapal din kaya hindi. Tila isa kagubatan ang parteng iyon. Napakahiwaga nga talaga ng isla. Napakalusog ng mga matataas na d**o at kay tayog ng mga puno kahit na nasa gitna ng karagatan at ang nakapalibot ay tubig alat. Kay layo sa kondisyon ng pinanggalingan ko't tinitirhang isla na pahirapan pa ang maiinom na tubig-tabang dahil sa lahat ng mga nahukay at ginawang balon ay may alat pa ring malalasahan. Maswerte na lamang kung umulan at ang mga naipon ang siyang aming inumin at ang mga sabaw ng buko na siyang malaking tulong sa amin.
Mukhang mali yatang sinundan ko pa siya. Parang naliligaw na yata ako.
Tinanaw ko an
