Tulad ng ipinangako ni Simon, pinagbigyan niya si Loida ng araw na iyon na manood sila ng sine. Pagkakuha nila sa ticket, may mahigit isang oras pa bago ang pagsisimula ng palabas. Naisipan nilang kumain muna ng late lunch. Isang sikat na pizza parlor ang pinasok nila.
Sa loob ng pizza parlor ay nandoon din sina Catherine at Grace. Masaya silang kumakain ng pizza at sinusubuan pa ni Catherine si Grace. Nagulat na lang si Grace nang biglang may tumawag sa pangalan niya.
“Grace!”
Napalingon si Grace at agad na nakita si Simon. Katabi nito si Loida. Napalingon din si Catherine at nagtama agad ang mata nila ni Simon. Pareho din silang nagulat.
“Ano’ng ginagawa niyo dito?” Masayang tanong ni Grace sa kanila.
Iwinagayway ni Loida ang hawak na movie ticket. “Manonood kasi kami ni Simon n
