Wala pang humamon sa guardian ng Harmonia na hindi niya sinunggaban at wala pang kahit isang insulto ang pinalagpas niya sa kan'yang tanang-buhay ko. Kahit ginagalang siya ay hindi pa rin maiwasan na mayroong gagawa noon sa kaniya. Mga nayayabangan kahit wala naman siyang ginagawa. Ang madalas niyang nakakabangga ay ang mga manggagamot na nagdudunung-dunungan pagdating sa mga lunas. Mas mabisa kasi ang kaniyang mga gamot kaysa sa mga inirereseta nila. Libre pa niyang ipinamimigay na ikinagagalit nila dahil wala na silang kinikita.
Ngayon, ang nanginsulto sa kaniya ay asawa ng isang maharlika. Wala naman itong dugong bughaw, ngunit kung umasta ay tila isa siyang tunay na mayroon gayong isa lamang naman siyang hamak na taga-Wind Valley at isa pang dating miyembro ng bandido, mga magnanakaw
