*Redland
Jane's Point of View
Papasikat pa lamang ang araw ngunit bumangon na ako. Nakakuha naman na 'ko ng sapat na tulog at maayos na pahinga. Simula na ng aming pag-aaral sa paligid kaya dapat na 'kong maghanda. Tiyak tulog pa si Kuya.
Paglabas ko sa silid ay sunundan ko ang ingay na naririnig ko mula sa kung saan. Nadatnan ko ang mga tao sa kabahayan doon sa kusina at abala sa paghahanda.
Gising na si Ginoong Eros at naroon na. Magkausap sila ng ama ni Sandro at mukhang seryoso ang pinag-uusapan.
Nang makita ako ni Ana ay niyaya niya akong maupo. Pinaghain ako ng isang babae at sinabing kumain na raw ako mauna. Tatanggihan ko pa sana kaso naroon na ang mainit na sopas sa harapan ko at sariwang gatas sa isang baso.
Kinain ko na at nang maubos ay hindi na ako humirit pa. Nagpasalam
