Bahagyang nataranta ang Reyna sa nakikitang nangyayari sa kapangyarihan niya. Animo'y may usok o makapal na hamog na sumisingaw mula sa magkabilang palad. Puting-puti na parang ulap at kung paano pahintuin ay wala siyang ideya.
Sinubukan niyang isara ang kamay. Nagbabakasaling mawala ngunit nagkalat lang ang puting naipong kapangyarihan at kahit nakasara ay nagpatuloy pa rin ang pagsingaw ng kaniyang kapangyarihan.
Nagtataka na siya kung bakit nagkakaganoon ang kapangyarihan niya. Binuksan niyang muli ang palad at hinayaan lang na nakalahad habang pinagmamasdan ang kakaibang nangyayari.
Unti-unti nang nagsasama hanggang sa nakabuo nang hugis bilugan. Mistulang isang bola ngunit malambot kapag hinawakan at parang hangin lang na wala kang mararamdaman.
Nahinto na, buong akala niya'y tapo
