Third-person's Point of View
Isang patak ng tubig sa mata ni Lala ang gumising sa kaniya mula sa mahabang pagtulog. Maalat-alat iyon at mahapdi. Pupunasan niya sana ang mata ngunit napahinto siya sa pagkilos.
Imbes sa mata ay dumiretso ang kamay niya sa kaniyang batok na sobrang sakit.
Sa kaniyang pagmulat ay agad niyang siniyasat ang lugar kung nasaan siya. Nasa isang malasilid na kuweba siya naroon. Kuweba na ang mga kagamitan ay mga inukit lamang sa mga tipak ng bato at maging ang kaniyang hinigaan ay bato rin na nilatagan ng balat ng hayop bilang sapin.
Malansa pa rin ang nalalanghap kaya nakasisiguro siyang nasa tahanan iyon ng mga Hydromerman. Papaupo na sana siya nang may maramdamang mga parating. Nahiga siyang muli at pinikit ang mga mata kahit na medyo mahapdi ang isang napat
