Lala's Point of View
Hawak ko ang kamay ng batang babae habang naglalakad kami. Nakasunod naman si Raven sa amin. Dire-diretso lang ang mga hakbang. Binangalan ko na at niliitan ang hakbang ko dahil parang nahihila ko na ang bata. Ang nangyayari tuloy ay para na siyang tumatakbo.
Hindi ko pa pala natatanong ang pangalan niya. Malapit na kami sa kantina nang maisip kong itanong. Tinignan ko siya habang naglalakad kami at bahagya akong yumuko. Tumingala siya at tumingin sa akin bago sumagot. Sonia raw ang pangalan niya.
Pagdating pa lang sa kantina ay agad akong pumili ng makakain namin. Kumuha ako ng paborito kong agahan na tapsilog at pancake naman para kay Sonia. Pinapili ko na si Raven ng gusto niya. Gaya-gaya, tapsilog din ang kinuha. Siya na ang nagbitbit ng tray at naghanap ng pup
