Lala's Point of View
Sira-sira ang hardin at napakaraming kalat sa paligid. Mga abo, sanga ng puno't halaman, tipak ng mga basag na bato at mga dekorasyon na pinalagay ko sa hardin noon, ngayon ay basag na basag na.
Pinatulog ako ni Rue kahapon at sa aking pagtulog ay napakarami kong narinig na mga ingay mula sa labas. Gusto ko mang bumangon at magmulat ng mga mata ay hindi ko magawa. Hindi ko alam kung anong mahika ang ginamit ni Rue para mapatulog ako nang ganoon at pagmulat ko ay siya agad ang hinanap ko ngunit wala pa raw sa kanila ang nakakakita sa kaniya.
Natanaw ko mula sa bintana ng aking silid ang mga abalang Celestial sa baba. Naglilinis at nag-aayos ng mga nasira roon. Halos matupok ang kabuuan ng hardin.
Lumabas ako ng silid at hindi ko na naisip pang magbihis, mag-ayos ng
