Lala's Point of View
"M-mahal!" Patakbong lumapit sa akin si Raven pagkawala ng ipo-ipong naghatid sa akin sa kanilang kinaroroonan. "Ayos ka lang ba? May masakit ba sa'yo?" Nag-aalalang usisa nito habang sinisiyasat ang katawan ko.
"Ayos lang ako, Raven," mabilis kong sagot. "May kailangan tayong gawin," dugtong ko sabay baling kina Tatay Eros at Erin na parehong nakatunghay na sa akin nang mga sandaling 'yon.
Ipinaliwanag ko sa kanila ang sitwasyon. Pare-parehong walang makapaniwala sa kanila sa lahat ng mga nangyari kanina nang sandaling mawala ako sa kanilang paningin.
Bakas sa mukha ni Raven at Tatay Eros, maging ni Apple na nais nilang magtanong patungkol kay Rio. Ramdam kong sa kanilang mga reaksyon na maging sila ay hindi sang-ayon sa hinihiling ni Rio sa aming gawin ngunit gay
