"Time Death 11:10PM."
Parang tumigil ang mundo ko sa narinig ko. Tuloy tuloy bumuhos ang luha ko habang nakatingin sa pinto kung nasan ang kwarto ni lolo. Hindi ako magalaw sa kinatatayuan ko, ramdam ko ang panlalamig ng katawan ko. Walang lumalabas sa bibig ko, wala akong naririnig dahil paulit ulit ang 'time death' na 'yon.
"Angel..."
Bigla na lang ako napaupo dahil sa paghawak sa akin ng kung sino man 'yon. Tuloy tuloy ang buhos ng luha ko at saka ko naramdaman ang sakit, ang hirap, ang pagsikip ng dibdib ko. Humagulgol ako sa harapan ng pinto at hirap na hirap tumayo.
"Anak..."
"D-Daddy! H-Hindi pa diba? H-Hindi pa? B-Bakit di ulit i revive si Lolo! N-Nagbabayad tayo diba?! DADDY!"
Kinabig ako ni daddy papunta sa dibdib nya. Nanginginig ang buong katawan ko habang humahagulgol s
