An idol's secret wife... Hindi kailanman inasam ni Florie na maging asawa ng isang sikat na artista. Kung para sa iba ay isa itong natupad na pangarap, para sa katulad ni Florie na walang maipagmamalaking ganda ay isang bangungot ang maging asawa ng sikat na si Baro. Nakatago man siya sa likod ng camera ay hindi maiwasan ni Florie ang maawa sa sarili, lalo na sa tuwing mahuhuli ang asawa na may ibang babae. Hanggang sa dumating ang araw na hindi na niya nakayanan ang panloloko ng asawa. Iniwan niya si Baro at nagpakalayo-layo... Ngunit hindi para lumimot, kundi para paghandaan ang pagbabalik ng bagong siya.

Kung hindi lang mahigpit ang pangangailangan ni Chrysantha ay hindi siya mapipilitang magtrabaho sa isang beer house. Gabi-gabi siyang nagtitiis para kumita ng maliit na halagang dudugtong sa buhay ng anak niya. Hanggang sa mangyari ang kinatatakutan nila, ni-raid ang beer house kung saan siya sumasayaw. At ang lalaking nakabili sa serbisyo niya ay isa pala sa mga pulis na huhuli sa kanya. Sa pagtanggal niya ng maskarang tumatakip sa kanyang mukha, ay siya ring pagsambit ng lalaki sa tunay niyang pangalan na nag-iisang tao lamang ang nakakaalam—ang taong sumugat sa kanyang nakaraan.