NAGTATAKA si Jhen bakit magulo ang kuwarto niya. Ang alam niya’y nai-lock niya ang pinto paglabas niya para mag-swimming. Hindi niya inaasahan na naliligo rin si Zack. Nagkatuwaan silang magpaligsahan sa paglangoy. Nagulat siya nang makita ang kuwintas niya na nasa sahig na. Pinulot naman niya ito saka ipinatong ulit sa kama. Pagkuwa’y pumasok na siya sa banyo at binanlawan ang katawan.
Napasarap ang pagtampisaw niya sa ilalim ng shower. Paglabas niya’y pasado alas-otso na pala. Nagmadali na siyang nagbihis. Nang isuot na niya ang kuwintas ay bigla naman itong napigtas. Napigtas na ang mismong lace na iniregalo sa kanya noon ng papa niya. Naisip niya, dala na marahil ng katandaan ng kuwintas na iyon kaya bumigay na.
Itinago na lamang niya ito sa jewelry box niya. Bibili na lang siya ng
