Kabanata 151
TINANGHALI na siya ng gising at ang ingay agad ng mga kapatid niya ang una niyang narinig. Lumabas siya ng kanyang kuwarto.
Nakauwi na pala ang kanyang inay Mildred at marami itong dalang mga karton na puno ng groceries. Marami rin itong dalang mga isda, at mga karne.
"Inay, may ice box po ba tayo?"
"Ay oo 'nak, bumili ako noong nakaraang padala mo sa akin," sagot nito. Nang tingnan niya si Meryl sa kusina ay abala ito sa pagluluto. Nilapitan niya ito saka niyapos ang baywang at hinagkan ang noo habang abala ito sa pagluluto ng spaghetti.
"Kailan ba graduation mo Meryl?"
"Sa susunod na linggo ate."
"Oh? Ang bilis naman! College ka na sa pasukan," aniya. Bigla naman itong nalungkot.
"Baka hindi na ako pumasok ate. Baka malaking gastos pa iyon ate."
"Anong malaking
