"Dito tayo matutulog?" nagtatakang tanong niya sa asawa.
Matapos kasi ang dinner nila, narinig niyang pinauwi na ng asawa ang mga kasama nila sa yate. Saka siya nito niyaya sa cabin.
"Yes. We will stay here tonight," sagot ng asawa habang hawak ang kamay niya at naglalakad sila patungo sa cabin.
Ngumiti siya sa asawa. Kahit saan naman, sasama siya rito. Pero naroon pa rin ang pangamba niya sa loob ng cabin. Dito kasi niya unang naranasan ang kalupitan ng asawa sa kanya.
Pero hindi niya maisantinig sa asawa ang pangamba.
Binuksan nito ang pintuan ng cabin. At bago pa sila tuluyang makapasok sa loob, napanganga siya sa kakaibang itsura ng cabin ngayon.
Malayo ito sa cabin na nasa isip niya. Puno ito ng mga petals sa sahig, patungo sa malaking kama na puno din ng petals. May malam
