PAGLABAS ni Leslie ng banyo ay nadatnan niya si Marco na nakaluklok sa gilid ng kama. Nakatitig lang ito sa kisame. Nilagpasan lang niya ito. Kumuha siya ng tissue paper saka pinunasan ang basa niyang mukha.
“Anong oras tayo uuwi?” tanong niya rito.
“Mamayang gabi. Isasama natin si Hannah,” anito.
Marahas niya itong hinarap. Nakatingin din ito sa kanya pero seryoso.
“Bakit?” curious niyang tanong.
“Siya ang magiging kapalit ni Orfena.”
“Pero masyado pa siyang bata para magiging bodyguard ko.”
“She’s young but skilled. Kilala ko na siya kaya mas kampante ako’ng siya ang makakasama mo.”
“But I don’t like her,” prangkang sabi niya.
Tumayo ito. “Ayan ka na naman, eh. Stop being judgmental if you don’t know her yet. Half-human, vampire si Hannah, at lumaki siya sa piling ng mga tao. I
