Eliza's POV
Isa-isa kong inilulubog ang mga hiwa ng pusit sa kumukulong mantika. Naisip kong kalamares na lang ang lulutuin para mayroon silang pulutan.
Naroon ang asawa ko at mga kaibigan niya abala sa pag-iinuman sa sala. Ako? Heto, abala rin sa paghahanda ng kanilang pulutan.
Mas pinili kong magluto ng kalamares. Dahil bagay na bagay itong pares sa alak.
Habang hinihintay kong maging golden brown ang mga pusit, sinimulan ko na munang ihanda ang sauce. Mayonnaise lang naman tsaka ketchup. Tinimplahan ko iyon nang maayos, para naman wala silang masabi.
“Ma’am.”
Napatalon ako sa gulat at napahawak sa dibdib ng bigla na lamang nagsalita sa likuran ko si Kim. “Ginulat mo ako, Kim.”
“Ay! Sorry po, ma’am.” tatawa-tawang sabi niya, para bang kinikilig.
Sinipat ko ng tingin ang kaniya
