"Lorraine, sabihin mo sa akin ang totoo. Gusto mo bang pakasalan ko si Alliyah?” tanong ni Zabrill habang sinasalubong ang tingin ni Lorraine.
Kumabog naman ang puso ni Lorraine. Siguro kung noon ito tinanong ni Zabrill malamang ang isasagot niya ay hindi. Kaya lang sa ngayon ay hindi na puwede.
Marami na ang nangyari. Magkakaanak na sina Alliyah at Zabrill at ikinasal na rin siya kay Tyler. Hindi na maaring ibalik pa ang nakaraan.
"Lorraine, gusto kita!" Hindi na niya hinintay pa ang sagot ni Lorraine, naglakas loob ng umamin si Zabrill sa tunay niyang nararamdaman para kay Lorraine.
Saglit na natigilan si Lorraine. Parehong masaya at malungkot ang naramdaman niya. Ano ang nagpasaya sa kanya? Ang malaman na gusto rin siya ni Zabrill at nalulungkot dahil, bakit hindi sinabi sa kanya ni
