Mabilis ngunit maingat na lumapit si Darius sa kinaroroonan ni Cedric at doon ay sumilip rin siya. Wala siyang nakitang tao sa mataas nilang gate ngunit may nakita silang kahon na nakalagay roon. Batid na sinadya iyong nilagay ninuman.
Napalingon siya kay Cedric na nagtatanong ang tingin kung nakita ba ang naglagay doon bagay na nakuha naman nito.
"Pagsilip ko ay nakita ko ang isang aninong patakbo papalayo," aniya rito. Nagkatinginan sila.
"Sino ang dumating?" tinig na gumambala sa kanilang katahimikan. Si Dania iyon at hawak pa rin nito ang kaniyang anak. Marahil ay abala pa si Kendra sa kusina.
Nang hindi sila sumagot ay lumapit ito sa kanila at nakiusyuso. "Okay lang ba kayo?" maang pa ni Dania nang makita ang tila nagitlang mukha ng kasintahan at kapatid.
"Ah, babe. Okay naman k
