Mabuti na lamang at napigilan ni Kendra ang sariling mapatayo nang makita ang babaeng kasama ng sekretarya ng asawa. “Yes?” dinig na wika ng asawa at napatayo.
“Sir, Miss Crisologo wants to talk to you,” dinig na turan ng sekretarya.
Kitang napatingin sa kaniya ang asawa. Marahil ay nakita nito ang reaksyon niya kanina nang makita ang mga ito. Nang mawala ang sekretarya at tanging ito na lamang ang natira ay lumapit ito sa kinaroroonan ng kaniyang asawa. Tumingin ito sa kaniya at ngumisi. Hindi man batid kung ano ang pakay nito sa asawa pero may kutob na siya.
“Yes, Miss Crisologo. What can I do for you?” pormal na tanong ni Darius sa babaeng bisita. Doon ay napagtantong marahil kaya nabigla si Althea nang makita ito ay dahil ito ang babaeng dahilan kung bakit sila napauwi ng araw rin
